手作餃子專門店 (荔枝角道) (已結業)

今晚咁岩要黎太子做野，順便試埋bookmark左好耐既手作餃子店😋😋門面係有啲簡陋，但好重住家手作感覺，最鍾意呢類型小店😆七點去到，基乎滿座，舖頭細細，大概容納到十幾人左右，位與位既空間唔多，加上好似無咩冷氣，單靠幾把風扇叫做好過無😂😂夏天黎食應該會有些少辛苦，友人食到大汗搭細汗😂講返重點～水餃😍😍😍好快決定左要十隻鮮肉栗米南瓜湯餃及鮮肉芝士湯餃$46，雙拼$2再加$8上海麵，而且叫左上湯菜心苗$15首先黎左菜心，真係嚇左一嚇🤣🤣🤣🤣原來係有湯渣既，有大量黃豆同少少淮山，菜心唔係特別嫩同稔，正常啦😌幾分鐘後主角都到啦😆我滿心期待住～首先講講栗米南瓜餃扁身啲，咬落去八成係南瓜蓉😍栗米佔一成😍😍鮮肉佔一成，完美比例👍🏻👍🏻👍🏻南瓜栗米好夾好夾，陣陣既南瓜蓉係你個口到翻騰😂😂真係好食架！！！芝士餃就比較飽滿，一咬落去已經有淡淡既芝士味，但又唔會搶走肉既鮮味😂成粒餃好juicy又係好好食🥰餃子皮方面我覺得唔算薄，但食落又唔係厚，適中啦😌而個湯底係淮山花膠，所以比較杰身啲啲😆我都飲左幾啖～友人鍾意佢地醃既菜莆，微辣有咬口，開胃又惹味，佢每食一啖都要加啲菜莆先放入口😂😂😂下次一定要食埋其他味既水餃