美味餃子店 (已搬遷) 新店位置

我一直都好鐘意食餃子，有時都會自己包下，不過工序繁複，之前都有聽過有間鋪以野"角"菜做湯底煮餃子!!!今日誤打誤撞，竟然俾我搵到呢間鋪，又係一間小店，呢度有湯餃有煎餃，我叫咗一碗椰菜雲耳湯餃，同一碟九菜煎餃老實講，湯底不太特別，本人覺得有D淡，不過一食D餃子，咩都補番晒，餃子嘅料充足，每隻湯餃都唔會一咬落去鬆拋拋，好實在，餃皮又唔會太厚，煎餃無得頂，香脆!!老闆娘，一路包餃子，一路同食客有傾有講，呢個就係小店先有嘅人情味!!!