十下火鍋

天氣涼返少少就想打邊爐😆同朋友兩個人嚟呢間火鍋店叫個二人餐份量剛剛好～火鍋店充滿懷舊色彩，昔日7-80年代嘅懷舊風住宅裝修佈置，加上店內播放當時嘅經典流行金曲，令人不禁邊食邊回味過去歲月✨🔸湯底🔸二人套餐可以選擇鴛鴦湯底，揀左一紅一白～白色係養生豆乳白鍋，湯料有蜂巢豆腐、鴨血同唔少養生中藥材😳豆乳湯初頭比較清淡，藥材越熬越出味，又香又滋補👍至於紅色嘅係木瓜蕃茄鮮魚湯，大大條魚尾加埋蕃茄木瓜，熬出鮮甜湯頭，條魚尾好厚肉，店員會幫忙撈起可以慢慢享用，魚肉嫩滑，不過要小心魚骨呢🙈🔸火鍋配料🔸麻辣鴨血上枱即食得，鴨血十分滑溜，食落有濃郁花椒味，香辣麻痹嘅感覺令人胃口大增🤤大大片手切牛頸脊片，真材實料有番咁上下厚度，好新鮮仲好有牛味😍花雕醉雞用黎打邊爐都依然有好香濃花雕酒味，雞肉亦好嫩滑👍同樣出色嘅仲有三寶滑，分別係蝦、墨魚同牛筋滑～三款都好足料打到爽口彈牙😋包住大大隻蝦嘅鳳城水餃同爆餡嘅三星蔥醬爆貢丸質素都好唔錯，果皮魚蛋就比較有咬口，份量以兩個女仔嚟講真係飽到捧住個肚走🙈🔸飲品🔸唔想淨係飲罐裝飲品咁普通，可以升級做大大樽自家製飲料！揀咗洛神花茶～酸酸甜甜，解膩開胃！打邊爐十下十下又一餐😋店內