Duck & Waffle (已結業)

依間餐廳係英國既過江龍餐廳，開左成年終於有機會試下。加上Openrice可以訂枱非常方便，收工後就同媽媽黎試試。餐廳環境令人覺得舒服，有好多鴨鴨既裝飾，而且可以睇到維港夜景，令人忘卻煩惱。我地唔算肚餓，只係叫左三樣野食。 1. Duck & Waffle 煎蛋、窩夫、鴨脾既組合，本身覺得又咸又甜既味道會怪怪地。但原來唔係架，鴨脾皮脆肉滑，配上甜甜地又脆既窩夫，味道好好。 2. Rosemary & Garlic Bread 麵包又大又鬆軟，配合埋Rosemary & Garlic既味道真係唔錯。 3. Corn Ribs 烤粟米加埋酸酸地辣辣地嘅醬汁，又新奇又好味。