常嚐甜品 (已結業)

之前食過幾次佢個生果冰不錯，於是我同4個朋友打算去食。去到門口，入面無客，只有一個男店員響廚房位置整嘢，門係開咗的，於是我哋就入去。剛好又有一家大小入去，於是全店得我哋兩枱十個人。入去的時候，我已經留意到個店員係不停怒啤我哋兩枱人，口中唸唸有詞，開頭唔知佢講咩，到坐咗響梳化位後，我睇佢口型，佢在問候人娘親!!!! 相信係因為佢要一個人招呼兩枱，佢好不滿！我鼓起勇氣講：唔該寫嘢，佢望住佢手上的保鮮紙，講：要咩？我話：一個椰皇冰。佢毫不猶豫咁答：賣晒！之後繼續低頭做嘢！結果，我同朋友們走了！因為實在唔想再留響店内！