聯邦皇宮

營業中

休息中

母親節到聯邦食晚飯，book咗8點15分，點咗四個餸，其中一條多寶魚差唔多20分鐘先到，黎齊餸都已經差唔多8點45分，點知食飯食到一半，大約9點15分，幾個侍應已經喺隔離係咁望住我哋啲碟，一食完就即刻收，去到大約9點25分，開始熄燈熄冷氣，我哋嗰時仲有少少餸準備清埋佢，但佢哋嘅態度好似已經趕緊客，拿拿林食埋9點半準時走人。臨走時問佢係咪收9點半，佢哋竟然答我唔係，只不過啲客人自己走，即刻火都嚟埋，呢啲唔係叫客人自己走，而係你哋趕客囉好唔好？！呢間嘢啲夥計簡直同老闆倒米，咁樣趕客法仲想人哋下次去幫襯？！我都知你哋唔憂做，但麻煩保持返最基本嘅服務態度先！