平昌韓國BBQ (已結業)

昨晚和舊同事去食，因為我們只有三個人，初初只點了一樣八味豬肉，個侍應就用很奇怪的表情問我只叫一樣，我話係，這個八味豬肉都唔平要$588。一路食都OK，但當我哋叫佢加配菜就要叫幾次，重要每次加少少，好似怕我哋只食配菜咁，叫佢加雞蛋同芝士，第一次加都好Ｄ，第二次叫佢加只加了沒味的蛋，很難食。跟住叫多個平昌牛肉，來到時個侍應一句都唔講，只搬走枱邊的食物自己係到整，完全都我哋無到，佢整整下走咗，我哋又唔知佢整完未，等咗一陣都無再返轉頭，我哋就當佢整完，但個爐就係枱邊，叫我哋點食，終於要我哋自己小心地連爐帶煲慢慢的移動到枱中。我哋食完枱面的食物叫佢再加配菜，叫了幾次都無人理我哋。我覺得我哋都唔算食少，找數3個人千幾元，你都咁對我哋，未必有下次。