影片
更多
2010-07-14
44 瀏覽
是日約左幾個朋友打返幾圈，時間得返少少，同其中一個FRIEND又未食野，就決定係附近拿拿聲搵D野食完再出發，於是就衝左入呢間泰妃雞啦。我地大概 7:15 黎到，都幾滿下，剛剛好有張吉檯就可以坐低，不過由於係 4 人檯，佢會要求你坐埋一邊方便搭檯。我地兩個都懶得諗食咩，求其一人一個飯餐算數。最後我地叫左一個海南雞飯 + 蝦醬炒飯餐，跟一杯飲品。海南雞飯先來到，不過係朋友既我無咩點食到，只係試左一啖飯。D飯食落都幾乾身爽口，不過唔係好香雞油味，但係朋友成碟清哂，我諗應該唔太難食掛。蝦醬炒飯黎到都幾香，仲有D炒蛋係旁邊，炒蛋雖然唔算炒得過左火但無咩味道。同海南雞一樣D飯炒得幾好，非常乾身唔會覺得油膩，加上蝦醬幾係惹味的。另外配料仲有肉鬆豆角肉碎等，味道係唔錯的，而且份量幾大，我都食唔哂分左D俾朋友食。個飯跟一個例湯係節瓜雞腳，個湯其實無咩味，勝在夠清好過飲味精湯呀~ 食完見店外有人等拿拿聲走人廢事阻住個位，出發去大戰返 12 圈先~~~ =P
我地大概 7:15 黎到，都幾滿下，剛剛好有張吉檯就可以坐低，不過由於係 4 人檯，佢會要求你坐埋一邊方便搭檯。我地兩個都懶得諗食咩，求其一人一個飯餐算數。最後我地叫左一個海南雞飯 + 蝦醬炒飯餐，跟一杯飲品。
海南雞飯先來到，不過係朋友既我無咩點食到，只係試左一啖飯。D飯食落都幾乾身爽口，不過唔係好香雞油味，但係朋友成碟清哂，我諗應該唔太難食掛。
蝦醬炒飯黎到都幾香，仲有D炒蛋係旁邊，炒蛋雖然唔算炒得過左火但無咩味道。同海南雞一樣D飯炒得幾好，非常乾身唔會覺得油膩，加上蝦醬幾係惹味的。另外配料仲有肉鬆豆角肉碎等，味道係唔錯的，而且份量幾大，我都食唔哂分左D俾朋友食。
個飯跟一個例湯係節瓜雞腳，個湯其實無咩味，勝在夠清好過飲味精湯呀~
食完見店外有人等拿拿聲走人廢事阻住個位，出發去大戰返 12 圈先~~~ =P
張貼
