大力水手炸雞 (已結業)

今朝一早要到機場，甘早到當然要食過早餐補充體力。我就選擇左大力水手早餐。早餐選擇都多，我就叫左C餐魚柳炒蛋食。排左一陣隊，終於見到我的魚柳早餐。我配上奶茶，這是茶包奶茶，但都夠濃，可解我茶癮之苦 魚柳和薯仔都是炸的，但出奇地唔油，冇油益味。炒蛋就夠晒滑，係港式滑蛋。個 Muffin 都好好味，外脆內軟，應該係剛剛整起，不是隔夜翻熱。如果你地去開機場，不妨一試大力水手，其實佢最出名的不是大力菜，而是炸雞呢！