影片
更多
2020-02-25
55 瀏覽
講起拉麵最近最想一嚐嘅就要數到立体派，中環店一開已經好多人排隊，最近仲新開左尖沙咀分店，係時候要去探訪下～拉麵有幾款，而今次嚟到尖沙咀店當然要試下佢地限定嘅黃金味噌拉麵，成碗麵係勁豐富，滿瀉嘅感覺。味噌整嘅湯底望落已經十分濃郁，仲有撲鼻嘅香氣。首先將中間碎肉醬汁拌埋一齊，麵條掛湯食落好滋味。另外湯中仲有好多炒過嘅野菜，增加口感之外仲平衡返肉膩感。其中福袋最令我期待，脹卜卜嘅外表面頭仲有炙燒過嘅痕跡，內裡都充滿內涵，好多香蔥同粉絲滿滿被福袋包裹住，仲吸滿湯汁。另外大獲好評嘅特級白湯拉麵都比朋友點左。一試之下發覺佢嘅白湯真係令人驚艷，好重豬骨嘅濃厚感，size仲有分大細，大碗嘅視覺效果一流，而份量亦足夠男子飽腹！其中叉燒幾嫩滑，流心蛋都不負眾望，流心度同味道都剛剛好。小食中嘅自家製蕃薯脆波波都係我最愛之一，味道同外貌有啲似中式甜品嘅高力豆沙～但食落入面全部都係綿密嘅蕃薯蓉，粉感好低，只有薄薄一層脆皮係外圍係我欣賞嘅部分！喜歡蕃薯嘅又有肚量嘅真係建議一試。仲有雞軟骨餃子都好香口，內藏雞軟骨顆粒同埋椰菜絲。呢度除左簡單嘅日本茶、汽水等飲料外，仲有各款日本啤酒同清酒，今次我就點左日本啤酒COED
拉麵有幾款，而今次嚟到尖沙咀店當然要試下佢地限定嘅黃金味噌拉麵，成碗麵係勁豐富，滿瀉嘅感覺。
味噌整嘅湯底望落已經十分濃郁，仲有撲鼻嘅香氣。
首先將中間碎肉醬汁拌埋一齊，麵條掛湯食落好滋味。另外湯中仲有好多炒過嘅野菜，增加口感之外仲平衡返肉膩感。
其中福袋最令我期待，脹卜卜嘅外表面頭仲有炙燒過嘅痕跡，內裡都充滿內涵，好多香蔥同粉絲滿滿被福袋包裹住，仲吸滿湯汁。另外大獲好評嘅特級白湯拉麵都比朋友點左。
一試之下發覺佢嘅白湯真係令人驚艷，好重豬骨嘅濃厚感，size仲有分大細，大碗嘅視覺效果一流，而份量亦足夠男子飽腹！其中叉燒幾嫩滑，流心蛋都不負眾望，流心度同味道都剛剛好。
小食中嘅自家製蕃薯脆波波都係我最愛之一，味道同外貌有啲似中式甜品嘅高力豆沙～
但食落入面全部都係綿密嘅蕃薯蓉，粉感好低，只有薄薄一層脆皮係外圍係我欣賞嘅部分！喜歡蕃薯嘅又有肚量嘅真係建議一試。仲有雞軟骨餃子都好香口，內藏雞軟骨顆粒同埋椰菜絲。
呢度除左簡單嘅日本茶、汽水等飲料外，仲有各款日本啤酒同清酒，今次我就點左日本啤酒COEDO白Shiro。
味道唔會太重，口感順滑幾易入口。
張貼
