小念頭 (通菜街) (已搬遷) 新店位置

事源朋友生日，慶祝得好趕，蛋糕都未準備好，好多食開都要3日預訂，唯有試新嘢！點知又畀我搵到好嘢！🥳🥳本身小念頭都要預訂，超臨時，一開工即刻打去問有冇現成，話有鐵觀音cheese cake! 即留！店員好信我，本身諗住畀咗錢先，都話唔需要，仲幫手整埋生日牌！蛋糕真係有驚喜，唔係渣渣芝士黎，好濃，又唔會過甜，連上邊個半截都係鐵觀音味cheese cake！以成餅都係芝士黎講，320蚊絕對抵食！一定會再幫襯！另外，小念頭本身仲係間cafe仔，細細間，幾有文青feel, 幾個朋友仔上去坐坐都幾正！