Y Show Tasty (已結業)

又有一個好同事要移民啦，所以同佢食一餐好嘅，通過一下今日嘅晉升可以大家聚會傾吓計！於是就揀咗呢一間去尖沙咀嘅餐廳食飯，就咁望落去成間餐廳嘅氣氛環境都好好，同埋非常之舒適可以坐低慢慢咁傾偈真係好正！⭐️香烤招牌乳豬真係好想重點介紹一下呢一度嘅乳豬，呢一個乳豬真係非常之吸引，先講一講乳豬嘅外皮，真係非常之酥脆！而且呢度嘅乳豬真係好滑，肉汁亦都好多！⭐️香烤豬鞍配薰衣草蘋果茶汁另外就係呢一度嘅豬鞍！呢個薰衣草蘋果茶汁真係好特別，好清新淡淡的薰衣草香味，再加埋蘋果茶嘅味道，估唔到係咁夾！加埋呢一份豬鞍好厚身！入口有啖啖肉嘅感覺！真係好爽！