影片
更多
2022-10-01
152 瀏覽
極上千島櫻放題30.09.2022一開始睇open rice 見到好多好評，仲要有海景而且係新開既放題真心期待、所以約左朋友去食..C餐係最貴既個set想叫既時候、帶位同我講：《c餐好多野都冇，不如食B餐啦》問佢有咩冇？佢冇答我啦～禁我expect B set 既野食齊曬啦～就選左B set 入去食啦，跟住就係一系列極差體驗既開始啦⋯⋯包括接下來幾點1）食物質素差2）開始售罄情況出現3）order 數量與上檯數量不一致4）欺善怕惡 ************ ************ ************ 1.*食物質素差* ：刺生蝦頭黑、帶子只有尾指大小、羊架冇切開一支骨一塊仲要落左勁多鹽等等、但食物質素差食放題預左、所以唔係好嬲、完全係我接受範圍。2.*開始售罄情況出現*：因為食放題好怕出現太多既浪費情況出現、所以第一輪我習慣唔叫數量多、但會每款食物叫一塊、岩食先再點。而神奇既事就發生啦！！！（前題18:30入座、晚市第一輪、只有4-5檯客）係我點完第一輪想食既野之後朋友就點佢想食既野、但突然牛利、翠玉瓜、羊架等等已經出現開始出現售罄、冇就唔食呢啲食其他係咪？但再登入版面、更神奇
一開始睇open rice 見到好多好評，仲要有海景而且係新開既放題真心期待、所以約左朋友去食..
C餐係最貴既個set想叫既時候、帶位同我講：《c餐好多野都冇，不如食B餐啦》問佢有咩冇？佢冇答我啦～禁我expect B set 既野食齊曬啦～就選左B set 入去食啦，跟住就係一系列極差體驗既開始啦⋯⋯
包括接下來幾點
1）食物質素差
2）開始售罄情況出現
3）order 數量與上檯數量不一致
4）欺善怕惡
************ ************ ************
1.*食物質素差* ：刺生蝦頭黑、帶子只有尾指大小、羊架冇切開一支骨一塊仲要落左勁多鹽等等、但食物質素差食放題預左、所以唔係好嬲、完全係我接受範圍。
2.*開始售罄情況出現*：因為食放題好怕出現太多既浪費情況出現、所以第一輪我習慣唔叫數量多、但會每款食物叫一塊、岩食先再點。而神奇既事就發生啦！！！（前題18:30入座、晚市第一輪、只有4-5檯客）係我點完第一輪想食既野之後朋友就點佢想食既野、但突然牛利、翠玉瓜、羊架等等已經出現開始出現售罄、冇就唔食呢啲食其他係咪？但再登入版面、更神奇啦～佢突然全部燒物同一品類既食物全部售罄，換而言之，剩番刺生同壽司可以食！what ！？難道我唔係食緊放題咩？？發生咩事啊？
3.*order 數量與上檯數量不一致*：好！禁得番刺生壽司、雖然話質素差都要比錢架、禁咪諗住食三交魚囉、叫左16件只有6件出現，唔信邪叫多10件只有5件，18:30叫既天婦羅到19:30都冇出現
4.*欺善怕惡*：係全部食物售罄既時候、禁我地附近幾檯都搵左*經理*處理事情啦～而佢只處理左聲音最大既客、完全無視左我同另外2檯相對聲音較小既客。唔緊要等左佢一段時間佢都冇番泥嘛～ok我地再叫番佢出泥、但佢一啲都冇講點去解決問題、由於隔離檯好明白發生緊咩事、大家都好似比佢呃左入泥、所以佢地都有幫口，最後我地冇食啲咩免單就走左
其實成件事最嬲嘅係其他檯有男人發聲，佢哋就即刻處理我哋呢台兩個女人當冇事發生完全唔處理咁就消失咗，要我哋再去要求見過經理再返嚟，單單係處理呢件事上面已經做得唔好，如果佢有積極處理呢件事，咁我都仲可以繼續食繼續俾錢，但佢完全係Hea我哋兩個女人，同埋佢嘅語氣都係比較衝撞，甚至乎當時我有提議過意見你如果貼咗售罄，咁我哋見到都仲願意俾錢入嚟咁係我傻就抵死嘅，但係而家係你冇先話俾我知你有咩嘢嘢食冇，呃完我入去，原來所有嘢食都冇,反正入去食嘢一個鐘有半個鐘頭都係喺度解決緊呢件事、難怪佢有海景同埋一個咁平嘅放題但係佢得咁小客啦⋯⋯
將呢件事講出嚟唔係想佢哋再有任何嘅補償，畢竟佢哋已經免左單，只係唔希望再有其他客人俾佢OpenRice上高嘅評論呃左，難得同朋友相聚，其實冇人想食餐飯都食得咁唔開心
張貼
