必勝客

營業中

休息中

今日約朋友去黄埔花園行街，想起呢間餐廳嘅會員積分到年尾到期，不如提早用咗佢，費事好似往年咁，年尾趕住用，餐餐食薄餅，食到怕。三個女士，兩個減肥，所以只叫一個套餐，用積分換了一個厚批，一份辣雞翼，已經夠食。套餐有餐湯，主食，咖啡或茶。意大利菜湯菜湯保持一貫高水準，有很多蔬菜，非常健康。菠菜烟肉腸片飯出乎意料的好味道，香滑忌廉汁加上少量芝士，與菠菜很夾，但如果可以改配意粉就更好了。汽水可免費添飲一次。超級夏威夷薄餅烘焙火侯控制得很好，薄餅焗得香脆，菠蘿配上辣肉腸、火腿 雞翼少少辣，好惹味。三個人吃午餐，只需$61，超抵。