Fauchon Paris Le Café (已結業)

於OpenRice搵食時見有買1送1優惠（主菜），諗住一試無妨，於是就去試一試菜，點咗肉眼扒，西冷扒，香煎帶子海蝦及法式油封鴨腿。5x熟嘅肉眼扒多汁，肉味夠，夠腍，配上超正招牌薯條，正正正；5x熟嘅西冷過熟，應有7-8x熟，表面焦燶，肉好韌，肉味不夠，好彩仲有超正招牌薯條；香煎帶子海蝦都ok，但似前菜 / 小食多啲；法式油封鴨腿感覺似一般臘鴨腿。飯後甜品拿破崙千層酥及胡桃焦糖撻屬一般，飲品就……太妃糖開心果咖啡（唔係好記得）超甜，毫無咖啡味，只有一個甜字，根本唔知飲緊咩！凍朱古力咖啡都係無咖啡味，好彩無咁甜！只有藍莓沙冰叫可以！雖然飲品及甜品較遜色，但因有買1送1優惠（主菜），都覺得超值