九井水産 (已結業)

今日午飯時間同同事一齊食最喜歡的日本餐。它有優惠咭優惠，食滿200蚊chop一個印，集齊十個印再食滿指定金額便送一盤刺身拼盤，剛好我地已有十個印了，所以要用這個優惠我地再分別叫了日式定食，午餐免加一:燒鯖魚定食有兩款是日前菜（今日係牛脷，好淋），茶碗蒸（蛋蒸得好滑，餡料有菇，雞肉等等），味噌湯（有海帶豆腐粒，湯不會過咸），沙律（沙律菜新鮮，露筍清甜，配上芝麻醬份外開胃），鯖魚（燒得好香，皮脆魚肉結實，不會過淋，而且有魚油香味，份量十足），飯就比較遜色，不是用日本米，食落無飯香且過硬！午餐還包一杯餐飲及甜品（維記雪米磁），好抵食呢刺身拼盤雖然是送的，但品質好有水準！共有五款刺身三文魚，帶子，甜蝦，八爪魚，吞拿魚，每款都係厚切，好新鮮，口感十足，鮮甜好味，好呀！