定食 Doraya (已結業)

前晚同朋友去左旺角, 之前睇雜誌話女人街開左間新既餐廳係食吞拿魚飯. 呢間野我早好耐之前起銅鑼灣都食過一次, D野的確唔錯 (因為我係超鐘意食TORO同埋三文魚) . 而家旺角都開左間, 方便之餘價錢亦都冇咁貴!果晚我同朋友兩個人大約7點半落到去, 好彩仲有位剩, 不過都差唔多full晒咁濟. 但由於間舖好細間, 所以坐得好迫, 傾計都唔係好方便!睇雜誌介紹呢度D吞拿魚扒飯好正, 價錢又唔係好貴, 所以我就點左一客黎食~冇記錯既話, 佢係有得加25蚊加低, 或者只加10蚊加飯. 不過我夜晚唔食咁多野, 所以就冇加到喇.野食黎度果陣望到碗飯真係覺得細左D. 不過食晒之後就覺得差唔多. D吞拿魚扒好鮮味, 外面係用左火燒一燒熟, 裡面就係生既. 好好食好正呀! 至於前菜果兩舊玉子我覺得乾左D同埋冇乜蛋味. 但都可以接受.埋單每人100蚊左右, 超值!! 下次一定會再黎試!!!