香積廚素食 (已結業)

好耐冇過黎荃灣啦。由地鐵站行過黎少少遠但係係絕對值得嘅！行上三樓 行多幾步會見到左邊有個牌 寫著香積廚素食 牌下擺滿同唔同餸菜 對面就係顧客坐既地方，大概坐到二十幾三十人 中間 中間張枱就擺咗粥, 糖水同埋湯。第一次黎既話，阿姐(老闆娘?)會同你講呢度嘅規矩：1. 請盡量淨係用一隻碟同埋一隻碗， 如太多汁或者污糟左既話，用熱水壺斟熱水沖走去。2. 不限你食幾多野，但係唔可以浪費！如果食剩餸要雙計！聽完阿姐講就可以開飯架啦！我記得當日嘅餸菜有(記唔哂全部)：●沙薑雞-腐皮卷●'肉'碎豆腐●佛手瓜●炒菜心●白+紅蘿蔔絲(冷盤)●炒米粉●薑飯☆即叫即做手打拉麵☆南瓜天婦羅●炸波波(入面好似係芋絲?)●娃娃菜豆卜粉絲煲●'羊腩'燜蘿白 ●咖哩薯仔+薄餅我個人最鍾意既係佛手瓜，南瓜天婦羅，炸波波，豆腐，娃娃菜豆卜粉絲煲同埋薄餅。呢度嘅炸物做得相當之好， 炸得脆卜卜而且一啲都唔油膩，我食完係冇熱氣嘅感覺。記住要等阿姐拎啱啱炸好嘅，新鮮熱辣食真係會令你覺得呢度絕對值得黎。 阿姐間唔中會大聲問' 有冇人要手打拉麵呀?' 要就出聲，我要咗半碗， 煙韌有嚼感，幾特別喎。除左啲餸放出黎凍左要等阿姐煮新嘅之外