御名園 (已結業)

同家人去左#御名園 食餐便飯，見佢d套餐好抵食，樣樣都想食， 最終點左個晚市C，只需要$348就有齊我想食嘅3樣嘢💃。有條好滑嘅清蒸海花班，新鮮又好味😋。海生蝦🦐，黃金蝦煮法很邪惡，但又好好味😋，蝦肉又新鮮勁美味🫰。燒鵝（例牌）燒鵝皮脆，咬落油香肉質都唔錯，點埋附上的酸梅醬很夾👍。黑豚叉燒皇，蜜汁濃郁色澤鮮明, 味道不會死鹹, 質素都有水準! 要番碗養生燉靚湯滋補下，今日靚湯有黃金石斛花燉響螺湯，一客只需要$44元，熱辣辣滋潤清香，好飲有益。酒樓燈光明亮, 價錢大眾化好抵食，環境乾淨寬敞，坐得舒適👏🏻。