Bouchon Bistro Francais

營業中

休息中

一間位於SOHO區嘅法國餐廳，亦係本人食左好多年仍然好鍾意既餐廳，佢哋既brunch 性價比超高。叫完嘢食店員會送上熱辣辣嘅法包，好香嘅麥香味，非常香脆，唔會太硬，牛油搽上去之後會溶化，法包加埋少溶既牛油好好食。我揀左法式洋蔥湯，做法同喺法國食嘅一樣，牛骨湯底，焗過既芝士口感煙韌，增加層次感，入面既法包亦吸收晒洋蔥湯嘅精華，香港唔太多嘅餐廳有正宗嘅洋蔥湯飲。朋友就揀咗蘑菇湯，蘑菇打得很細滑，非常creamy。主食叫左法國菜必試嘅Beef Tartare，生牛肉加入少許蔬菜粒，口感軟滑，加埋蛋黃mix黎食令牛肉更香更滑。食埋佢地既是日甜品 - 朱古力蛋糕，香濃朱古力撻底，有朱古力mousse加埋椰蓉，鍾意食朱古力嘅朋友可以試吓，朱古力味濃，加埋椰絲嘅配搭幾特別，蛋糕偏甜。