神戶屋日韓放題

營業中

休息中

復活節假期留港消費，約埋一班好友去行街買嘢，晚上去旺角兆萬食放題，神戶屋日韓放題食物質素唔錯，升級仲有日本生蠔、松葉蟹爪、磯煮冷鮑魚、海膽軍艦、醬油蝦、雞泡魚乾、汁燒鰻魚串。全部任食。店員有禮，招呼我哋入座後，見我哋人多，主動提議叫師傅做一個擺設精美又豐富的刺身拼盤,上檯當時手機食先，刺身非常新鮮，種類都好多，大多都爽口鮮甜，魚類油脂甘香。升級食日本生蠔好肥美，吃起來清爽，口味清甜。回本必食！松葉蟹爪啖啖肉，肥美軟嫩，滋味十足。磯煮冷鮑魚口感彈牙，略帶甜味。醬油蝦，新鮮生醃的醬油蝦，調味的醬油不單不咸，反而略帶甜味。 經過醃制後的鮮蝦肉依然十分結實，肉質十分爽口富彈性。海膽軍艦，橙黃色的海膽味道甘甜，質感細膩，幾乎入口即溶。鹽燒青魚，鯖魚豐富的油脂，經高溫一烤，天然的魚油慢慢滲出，肉質細嫩。蒜蓉粉絲蒸元貝，除咗扇貝，還有吸收了扇貝的鮮甜及蒜蓉味道的粉絲，記得趁熱食。羊架肉嫩，香草味香濃。松葉蟹粥好足料，松葉蟹味道鮮甜，肉質軟滑，味道清甜，粥底綿滑鮮味濃郁。榴槤炸彈，以糯米粉包著純榴槤果肉，炸至外脆內軟，不失榴槤的香味，香脆可口。升級甜品有每人一盒名牌雪糕。