人和月雞煲火鍋店 (已結業)

好耐都無打邊爐，今日同朋友黎咗食人和月，估唔到又幾surprise！ 呢間主打雞煲火鍋放題，即係先食雞煲，食完之後再食火鍋，我地揀左C餐，澳洲M4和牛海鮮大滿貫，包左一個頭盤同埋一個火鍋，仲有海鮮盤一客，同埋美國牛肉大滿貫一客，另外仲有其他食物同飲品無限量供應，頭盤有7款選擇，除左招牌麻辣雞煲之外，仲可以揀老檀酸菜魚、味鮮卜卜蜆、韓式芝士雞、原創酥皮麻辣芝士雞煲、椰青香茅青檸烤魚同埋麻辣烤魚，頭盤份量絕對唔少。頭盤我地揀左味鮮卜卜蜆，除左蜆之外，仲有蝦同埋粉絲，粉絲吸哂蜆同蝦既汁，好入味。食完頭盤已經好飽，跟住仲有火鍋，火鍋揀左鮮茄栗米甘荀濃湯，湯底清甜。套餐包既澳洲M4和牛肉質好軟熟，雪花分佈均勻。海鮮拼盤有蝦、元貝、鮑魚、青口、蜆同埋嫩滑鯇魚片，全部都好新鮮。另外仲有熟食、菜、雪糕和飲品無限量供應，最值得一讚係有自家製洛神花蜜，酸酸甜甜，非常開胃。依家只要揀海解餐仲可以有一次抽獎機會，有得食，仲有得玩。