佐賀山田 · 涮涮鍋 (已結業)

今日同朋友黎Aeon shopping, 行完search下附近有咩食,原來康怡廣場有間日本火鍋，一人一鍋唔使爭😋去到啱啱開門，已經好多人喺門口等，我哋揀咗個午市極級美國和牛套餐$239，午市放題90分鐘，價錢實惠。而且呢個價錢已經可以免費追加和牛、牛肩胛肉、牛肩肉、牛舌、雞腿肉，豚肉，仲要啲肉係有質素。出面自助吧都好吸引，冷盤竟然有我至愛既八爪魚、螺肉同埋中華沙律，湯底我哋揀咗骨膠原美顏玫瑰花膠雞白湯，蟲草花胡椒豬肚湯。湯底黎到，有冰玫瑰花，仲放左乾玫瑰花，感覺好清新，蟲草花都好足料，食落去仲好香胡椒，果然無揀錯，最正係食食吓，佢係加湯唔係加水，唔會食到啲味道淡晒，我地每款牛叫左一碟，三款牛味道都好濃郁，油脂亦非常平均，入口易溶，另外推介牛舌，厚度岩岩好，非常彈牙，唔會好韌，蔬菜亦好新鮮，最後甜品時間，不得不說一下迦納朱古力雪糕，好好味，朱古力好濃，雪糕好滑，細細條好正，仲可以試多幾款雪糕，真係超級滿足。