美倫餐廳 (已結業)

突然覺得好耐冇食過沙嗲牛肉麵。咁就容易啦，是但走入一間茶記，叫個快餐茶餐特餐或常餐就是，當然好唔好食係另一回事。大壩街成條街既食肆，只有美倫是沒有吃過，今次就來這裡。既然是為沙嗲牛肉麵而來，想也不用想，常餐是也。麵條上檯時已經是浸到稔晒的，一點咬口也沒有，我最不喜歡。加之，牛肉是經梳打粉的嚴重洗禮，質感完全失真，同埋沙嗲醬絕不香濃，幾難食，吃幾口便想放下。火腿奄列，睇落都可以，不過是沒有蛋汁，亦欠蛋香。至於餐包，只是白麵包，塗上丁點的牛油，又怎會好吃。食物不濟，還好結尾的凍鴛鴦夠香濃，喝得舒服。