影片
更多
2020-07-09
652 瀏覽
超正咖啡今日去VTC考兩個試，中間搵地方攝時間，search coffee shop 時搵到依間，感覺唔錯就過嚟試吓。舖頭仔有點難搵，响南洋酒店旁邊，一個唔小心會行過咗。一入嚟成個感覺好relax，鍾意入面嘅環境。依度唔係梳化唔係地方又大又闊嗰種舒服，而係一入到嚟就覺得自己放緊假，可以輕輕鬆鬆做自己想做嘅事嗰種舒服，好鍾意入嚟要咗一杯white，$38，價錢合理。一坐底飲第一啖就知杯咖啡超高質。自從美心被年青人放棄後我就無再飲過Starbucks，不過同我記憶中嘅Starbucks比，依度嘅咖啡至少贏十條街。咖啡焙得啱啱好，係真真正正嘅啱啱好。咖啡唔會太濃，上面層奶泡簿簿哋一層，夾埋個咖啡底一齊飲真心正。以前讀書時覺得澳洲咖啡最好飲，香港周圍都搵唔到咁好嘅咖啡，估唔到今日搵地方攝時間時會搵到咁好飲嘅咖啡。本來陣間仲有個考試，我都決定唔溫書走去寫review，希望陣間唔會唔合格咖啡正心正，誠意推薦!Menu
今日去VTC考兩個試，中間搵地方攝時間，search coffee shop 時搵到依間，感覺唔錯就過嚟試吓。
舖頭仔有點難搵，响南洋酒店旁邊，一個唔小心會行過咗。
一入嚟成個感覺好relax，鍾意入面嘅環境。依度唔係梳化唔係地方又大又闊嗰種舒服，而係一入到嚟就覺得自己放緊假，可以輕輕鬆鬆做自己想做嘅事嗰種舒服，好鍾意
入嚟要咗一杯white，$38，價錢合理。
一坐底飲第一啖就知杯咖啡超高質。自從美心被年青人放棄後我就無再飲過Starbucks，不過同我記憶中嘅Starbucks比，依度嘅咖啡至少贏十條街。
White
$38
35 瀏覽
0 讚好
0 留言
咖啡焙得啱啱好，係真真正正嘅啱啱好。咖啡唔會太濃，上面層奶泡簿簿哋一層，夾埋個咖啡底一齊飲真心正。
以前讀書時覺得澳洲咖啡最好飲，香港周圍都搵唔到咁好嘅咖啡，估唔到今日搵地方攝時間時會搵到咁好飲嘅咖啡。
本來陣間仲有個考試，我都決定唔溫書走去寫review，希望陣間唔會唔合格
咖啡正心正，誠意推薦!
Menu
張貼
