彩福皇宴 (已結業)

今日係銅鑼灣行到夜晚，食飯想食中菜，諗起彩福皇宴，就同朋友去左食。去到都到左食飯時間，所以都幾多人，但我地都算好彩，唔洗等位就坐底左。呢間裝修都好靚，以藍色為主，望落感覺好清新乾凈。我地2個人叫左一個炒四季豆，一份叉燒，每人一個飯。個四季豆係炒得超野味，超香，蝦乾都好入味，送飯一流。平時食四季豆都會驚好油，但呢個真係唔油，食哂成碟都無罪惡感！而個叉燒又係好岀色，叉燒個汁好夠，入哂味，叉燒肥瘦剛剛好，唔會流。個叉燒汁用嚟撈飯真係食十碗都得呀！彩福皇宴唔係第一次食，都幾肯定佢食物嘅質素有翻咁上下，想食中菜小炒嘅又想坐得舒服，真係可以考慮呢間！