幸福鍋 (已結業)

係台灣火鍋呀！好似去左台灣咁，勁地道又好食，價值仲要唔貴，性價比超高👍👍麻辣雜錦牛肉鍋（中辣） $118餸料：娃娃菜,牛肉片,豬肉水餃,花枝丸,鴨血,沙白,米血糕,大腸,韭菜,金菇,炸枝竹,鳴門卷,青豆角配主食：寬條薯粉 份量勁足，本身入面已經有好多粉絲，樣樣配料都係幾件幾件，唔會樣樣得一粒，好足料，佢既麻辣湯底又麻又香，真係好似去左台灣食麻辣鴨血咁，非常惹味，牛肉大大片，食落重牛味，好多配料都同個湯底好夾，完全索哂個麻香味，超級好食，食到差唔多再放個寬粉落去，寬粉勁q彈，明明好飽都仲好想食哂佢，完全大滿足台式香濃沙茶鍋 $118餸料：娃娃菜,牛肉片,米血糕,牛丸,沙白,粟米,金菇,炸枝竹,鳴門卷,花枝九,韭菜,蕃茄,青豆角配主食：方便麵沙茶味勁濃郁，香味獨特，食落有陣陣既鮮鹹味同輕微既甜香，岩哂唔食得辣既朋友，餸料都好入味，米血糕口感軟糯，粟米勁甜，食到最尾到放方便麵落去連湯食哂，超幸福！火鍋食落麵唔多味精，食完隔左好耐都唔會好口渴古早冬瓜茶 $22冬瓜茶飲落好清香，唔會過甜，飲落好舒服同會有冬瓜回香自家製薏米水 $26清新好飲，唔會太甜，健康美味必叫