炳記 (已結業)

同事提議試下食呢間，係一個幾隱閉的巷入面，午餐時間來到，人唔多，環境好住家的感覺，食物都係。餐牌就係牆上，冇套餐，全部小菜，價錢都唔算平，平均78-100一個，晚餐的價錢。小店應該係兩夫妻經營既。我地四個人叫左四個餸，秘制三杯雞、涼瓜班腩煲、XO醬炒豬頸肉同埋咸菜豬肚浸勝瓜。所有餸都妹有鑊氣，三杯雞唔係食開果種味道，酸酸地醋味，雞肉幾新鮮，不過味道就唔係幾岩口味。涼瓜班腩煲，涼瓜唔錯，但啲班腩就得塊皮，炸粉，唔係好食到魚肉。豬頸肉質感幾好，但冇乜XO醬味，咸菜豬肚都幾香，但係啲豬肚個質感似臘味，奇奇怪怪。總括來講，幾唔好食，除左好有鑊氣之外，食完成身都有油煙味