影片
更多
2020-05-04
3395 瀏覽
最近出街食飯受影響 ，食日本刺身更加係屬於高危，因為未經煮熟。 所以心思思想去買急凍刺身返屋企同女朋友二人世界 ，一嚟可以買啲有質素保證 ，唔怕食到大陸嘅假三文魚貨色 ，二來價錢仲可以平啲添 。今次嚟咗長沙灣工業大廈入面 ，一間裝修得好骨子嘅食材舖頭 ，佢哋平時星期日係唔開 ，但好彩 見係五一黃金周特別開放 ，仲要全部買嘢都可以升級做vip ，以後呢買嘢可以享有特別優惠 ，真係好多著數。 見到舖頭除咗急凍嘅刺身之外，仲有凍肉 ，主要都係做外國高級嘅食材， 和牛、 安格斯嗰啲 ，同埋佢有啲醬料雜貨嘅賣 。今次就買咗一包挪威急凍三文魚刺身同埋日本甜蝦, 老闆娘話只需要解凍半個鐘左右就可以攞嚟食 .第二日就同女朋友試下, 果然嗰個三文魚嘅肥美同甘香同我喺平時日本餐廳食嘅冇得畀(我認係我窮，但都唔會食元X消委會話有蟲架）,呢個質數同量出面可能要畀四五百蚊先食到 ,但呢度只需要130蚊就有，足足厚切咗十六塊挪威三文魚腩同20 隻甜蝦😍。 至於嗰個安格斯prime肉眼就留待下次先食啦💛
張貼
