富山麵家

營業中

休息中

因早前我經過銅鑼灣見到「富山麵屋」嘅舖貼滿晒超可愛嘅蠟筆小新！當時我已經想即刻去食，但大排長龍，我無等到！所以我們今日下午特意去品嚐一下！入到去舖內見到每個角落都有超得意嘅小新公仔！令到我非常興奮！我們叫咗黑醬油半熟蛋拉麵、白鹽蝦半熟蛋拉麵同札幌味噌半熟蛋拉麵！黑醬油、白鹽蝦同札幌味噌三款唔同湯底，本人比較鍾意白鹽蝦湯底！因湯底較清！拉麵嘅麵質非常爽口同彈牙，湯底亦相當濃郁，叉燒整得好腍，肉質嫩滑，唔會好韌同黐牙！半熟蛋非常流心同非常軟滑！同埋最有心思嘅係塊紫菜印有小新嘅圖樣，真係好得意呀！溫馨提示：他們有印咗小新圖樣嘅拉麵碗賣！買兩隻碗送一個印咗小新圖樣嘅環保袋！同埋他們只收現金！