DK Cuppa Tea (已結業)

之前見到有介紹呢個超可愛既下午茶，就黎試下，除左主題造型既下午茶超可愛之外，呢度環境都算幾靚喎，餐廳分左2種seat，我地坐緊既房間係森林主題，幾岩小朋友坐住玩唔怕佢坐唔定！呢度有超多公仔同有壁畫，仲有小小獨角獸道具可以影相喎！講返個下午茶，都有十款以上不同既小點心。用左個野餐籃上菜。tea set當然唔少得鬆餅。最鍾意個個貓patpat造型既棉花糖配英式鬆餅，迷你三文治同貓貓造型既曲奇餅都好鬆脆。鍾意朱古力布朗尼蛋糕，內有小小果香味。甜既焦糖夾心鬆餅係流心，其他小點心都幾好食。可惜個tea set茶就好似得一款！食完下午茶，分量都適中！原來仲有得玩magic card香薰體驗，仲可以許願寫上蝴蝶花紋紙上，掛上願望樹。