一粥麵 (TKO Spot)

營業中

休息中

是日午餐今日嚟到一粥麵，主要係貪佢有位坐心，見到個餐牌心大心細，既想食煲仔飯，又想食炒公仔麵，最後揀咗呢個優惠套餐牛筋牛肉麵，配熱奶茶，原因係佢夠平，$38而且牛筋亦係買飛佛，再今早食完個厚餐肉治，午餐食少啲，平衡下估唔到咁簡單嘅餐，居然要等超過10分鐘先至有得食，牛筋牛肉都好腍，麵夠爽，但個湯好鹹，飲咗兩啖，放棄！如果改為清湯，或者放少啲鹽，效果應該好好多，亦可能唔會浪費個湯。熱奶茶，始終都係用啡糖好飲啲，亦始終用筷子攪會勻稱啲。話時話，呢個屋邨商場似迷宮，尤其是要去屋邨嘅大廈平台時，真係唔知點樣搵路入。