校長燒肉日韓料理 (沙咀道) (已結業)

新開燒肉放題，我之前有從YouTube 睇過有人介紹，所以特地去試下，時間比較特別，同一般放題唔同，佢地要分時段進入，因為每個時段都需要有半小時去撿場，作為分隔，我地9點3左右到，樓下見到已有好多人，我地準時9點半入場，一入場見到好多野食，有好多驚喜，最基本飲品，竟然有好多酒，有白威，有Hoegaatden,講真$160連加一，真係飲幾杯都番本，並且有刺身，刺身又唔使等，只需出去攞，刺身都唔錯，雖然刺身唔多選擇，但好新鮮，味道唔差，前菜都有炸野，有薯條，麥樂雞，蝦多士，估唔到連章魚小丸子都有，終於入主菜，真係大路野嘅都有，豬，牛，羊，雞都有，因為太多人比較難影相，廢事阻住人，最驚喜係竟然仲有火鍋，有三個湯底選擇，麻辣，豬骨湯，壽喜燒，真係燒又得，煲又得，只需$170（最夜時段），真係物超所值，最後就是基本雪糕甜品， 下次一定會再嚟。