影片
更多
2024-06-27
31 瀏覽
最近在網上見到呢間彩羽壽司家嘅Omakase好吸引，就約咗好友一齊去試下！呢度一共兩款omakse，分別為：「葵」（$480）及「椿」（$880），來之前做定功課，知道「椿」可以食齊餐廳多款名物，所以毫不猶疑就點咗啦!「椿」包含：前菜2款、日式蒸蛋、刺身4款、串燒5串／和牛壽喜燒、壽司6件、吸物及雪花刨冰，食物多樣化，數量都多，性價比整體好高!!!一坐下就送上漬物及鱈魚片。前菜：黑梅貝、北海道白粟米、水蕃茄黑梅貝而家時令，口感彈牙，食到貝嘅原味。北海道白粟米好甜好多汁，日本水蕃茄甜度好高，帶有果香！呢三款前菜都打開味蕾！刺身：真鯛味道淡雅怡人，咀嚼嘅時候滲出甘甜，刨上青檸絲令味道更為清新。大分縣真蠔大分縣真蠔肉質厚身飽滿，邊位帶脆，師傅加上黑松露酸汁，平衡咗真蠔嘅奶油感。富士山木三文魚煙霧彌漫嘅一道刺身！三文魚煙燻味香，入口即溶！鮟鱇魚肝泡芙鮟鱇魚肝食得多，放入泡芙真係唔多地方有得食！香脆嘅曲奇泡芙內注滿脂香嘅鮟鱇魚肝醬，一啖咬落去，味道及口感都雙重滿足！日式蒸蛋加入菇菌、蜆肉、帶子等，鮮味十足。壽司：帶子帶子肉質軟嫩，味道鮮甜，師傅加少少青檸汁，味道清新。沙甸魚 沙甸魚屬魚味較重嘅魚
「椿」包含：前菜2款、日式蒸蛋、刺身4款、串燒5串／和牛壽喜燒、壽司6件、吸物及雪花刨冰，食物多樣化，數量都多，性價比整體好高!!!
一坐下就送上漬物及鱈魚片。
前菜：黑梅貝、北海道白粟米、水蕃茄
黑梅貝而家時令，口感彈牙，食到貝嘅原味。北海道白粟米好甜好多汁，日本水蕃茄甜度好高，帶有果香！呢三款前菜都打開味蕾！
刺身：真鯛
味道淡雅怡人，咀嚼嘅時候滲出甘甜，刨上青檸絲令味道更為清新。
大分縣真蠔大分縣真蠔肉質厚身飽滿，邊位帶脆，師傅加上黑松露酸汁，平衡咗真蠔嘅奶油感。
富士山木三文魚煙霧彌漫嘅一道刺身！三文魚煙燻味香，入口即溶！
鮟鱇魚肝泡芙
鮟鱇魚肝食得多，放入泡芙真係唔多地方有得食！香脆嘅曲奇泡芙內注滿脂香嘅鮟鱇魚肝醬，一啖咬落去，味道及口感都雙重滿足！
日式蒸蛋加入菇菌、蜆肉、帶子等，鮮味十足。
壽司：帶子
帶子肉質軟嫩，味道鮮甜，師傅加少少青檸汁，味道清新。
沙甸魚 沙甸魚屬魚味較重嘅魚類，配搭黃瓜絲，好好嘅平衡！
炭燒竹籤魚竹籤魚用炭火直接在外皮炭燒，肉質爽口，味道亦多咗層炭火香，魚味更加提升！好食！
昆布海膽 海膽鮮甜creamy，鋪薄薄嘅昆布漬好有驚喜！
拖羅拖羅入口即溶，肥美油潤！
彩羽太卷（+$250）每枱必追加嘅招牌菜！一直知道東京有七龍珠卷，超級打卡，未有機會去日本親試，所以知道香港依家有得食好開心！太卷材料豐富，包住醬油漬蛋黃、海膽、拖羅、赤身及青瓜，好滿足！
壽喜燒 / 串燒（我同好友各點一款試吓）和牛壽喜燒
和牛口感細膩，入口即溶，壽喜燒汁甜甜地，好惹味。
串燒拼盤有大蝦、雞翼、冬菇、豚肉、青椒仔，每款都燒得啱啱好，juicy唔乾身，調味唔會太重手，食到食材嘅原味！
魚湯好出色！熬至奶白色，好鮮甜好足料！
雪花刨冰是晚另一重點！餐廳購入大型復古風日式刨冰機，喺客人面前即席製作，望住刨冰嘅過程好療癒呢！餐廳都好重本咁用上京都貫目冰，水質清澈帶甜，刨出來嘅刨冰如雪花般細膩，唔會有任何冰感，好好食！呢個刨冰仲會另外有menu提供，可以揀選自己鍾意嘅口味，好多都好吸引，揀嘅時候真係心大心細！！！！揀咗期間限定嘅日本白桃味，除咗刨冰內有足夠嘅水蜜桃漿，確保由頭食到尾都有濃郁嘅水蜜桃味之外，師傅仲喺刨冰面擠上香滑嘅奶蓋及放上新鮮日本白桃肉，味道清新又透心涼，大愛！
題外話/補充資料：
openrice訂位有85折！
(以上食評乃用戶個人意見 , 並不代表OpenRice之觀點。)
張貼
