天天海南雞飯 (Fashion Walk)

營業中

休息中

今日好想食新加坡菜，突然諗起呢間位於銅鑼灣京士頓街嘅天天海南雞，就坐言起行，即刻訂枱食個晚飯。🥢 天天燒雞呢碟燒雞好大份，雞嘅外皮燒到好脆口，而裡面嘅雞肉重好滑嫩，配埋豉油膏、薑蓉、辣椒醬等配料，更能提昇雞味。🥢 砂鍋新加坡黑胡椒羅氏蝦粉絲首先會有個熱爐暖住個煲，誠意感十足。打開煲蓋，4隻超大羅氏蝦鋪在香噴噴嘅粉絲上，羅氏蝦嘅肉質好彈牙兼鮮嫩多汁，吸收咗黑胡椒嘅香味，好味到難以形容。而粉絲夠晒軟糯又富彈性，每一口粉絲都滿滿蝦肉和黑胡椒嘅香氣。🥤龍眼冰呢杯龍眼冰夠晒清甜潤喉，而且裡面重有多粒龍眼果肉，感覺好正。🥤恐龍美禒非常濃郁嘅冰凍美禒，上面加咗一層厚厚嘅美禒粉，更加濃郁美味。🥄 芒果糯米飯呢個甜品係即叫即整，夠曬新鮮，糯米飯夠軟糯可口，配埋清甜多汁嘅芒果肉，作為這頓飯嘅完美結束。