影片
更多
2022-11-29
43 瀏覽
第二次回購🤩上次同屋企人係元朗搵食好多人介紹呢個蟹籽冷麵一見到第一句係‘下？D蟹籽唔洗錢架？咁多既？🤣’上次匆匆忙忙淨係買左個爆辣蟹籽冷麵，今次一口氣叫左七樣野，拎翻去同屋企人慢慢食😍位置🏡-地點要俾少少耐性搵，但其實佢一啲都唔遠，不過Google Map可能會水左你，其實佢係喺一個停車場後邊或者可以理解做嘉城廣場後邊，我係路痴都搵到相信你都一定搵到🤣食物種類📜雖然舖頭名叫爆辣冷麵，但入邊有冷食亦都有熱食，飯同面都可以搵到，可以叫到其他小食今次試左七樣嘢‼️1️⃣爆多蟹籽冷麵$40-鐘意食蟹子嘅人唔好錯過，一食落去係豪氣嘅感覺，$40咁大個面咁多蟹籽，真係兩個人食都飽🙊2️⃣蟹籽沙律$48- 蟹子沙律加咗帶子裙邊多咗個口感唔錯唔錯，即撈即食，好味👍🏻3️⃣爆辣炒飯$58- 飯粒粒粒分明，有鑊氣，如果食得辣不妨叫再辣啲，惹味🔥4️⃣賽螃蟹杯麵$38- 呢個形式出撈麵唔錯，觀感新鮮，拎上手亦好方便☃️5️⃣爆炒雞軟骨$38- 可以同老細自訂辣度，新鮮食應該仲好食🌟6️⃣袋裝拉麵$18- 童年回憶撈撈，但細個唔食辣，大個食翻夠本☄️7️⃣蟹籽炒烏冬$48主要用蒜蓉辣椒爆炒，再配上蟹籽，個人覺得呢個比較重口味，鍾意冷麵多啲🤪記
上次同屋企人係元朗搵食
好多人介紹呢個蟹籽冷麵
一見到第一句係
‘下？D蟹籽唔洗錢架？咁多既？🤣’
上次匆匆忙忙淨係買左個爆辣蟹籽冷麵，今次一口氣叫左七樣野，拎翻去同屋企人慢慢食😍
位置🏡
-地點要俾少少耐性搵，但其實佢一啲都唔遠，不過Google Map可能會水左你，其實佢係喺一個停車場後邊或者可以理解做嘉城廣場後邊，我係路痴都搵到相信你都一定搵到🤣
食物種類📜
雖然舖頭名叫爆辣冷麵，但入邊有冷食亦都有熱食，飯同面都可以搵到，可以叫到其他小食
今次試左七樣嘢‼️
1️⃣爆多蟹籽冷麵$40
-鐘意食蟹子嘅人唔好錯過，一食落去係豪氣嘅感覺，$40咁大個面咁多蟹籽，真係兩個人食都飽🙊
2️⃣蟹籽沙律$48
- 蟹子沙律加咗帶子裙邊多咗個口感唔錯唔錯，即撈即食，好味👍🏻
3️⃣爆辣炒飯$58
- 飯粒粒粒分明，有鑊氣，如果食得辣不妨叫再辣啲，惹味🔥
4️⃣賽螃蟹杯麵$38
- 呢個形式出撈麵唔錯，觀感新鮮，拎上手亦好方便☃️
5️⃣爆炒雞軟骨$38
- 可以同老細自訂辣度，新鮮食應該仲好食🌟
6️⃣袋裝拉麵$18
- 童年回憶撈撈，但細個唔食辣，大個食翻夠本☄️
7️⃣蟹籽炒烏冬$48
主要用蒜蓉辣椒爆炒，再配上蟹籽，個人覺得呢個比較重口味，鍾意冷麵多啲🤪
記憶點🧠
‼️超多蟹籽，要幾辣有幾辣‼️
張貼
