糖蓮子 (已結業)

三條友仔食完飯去咗依間糖水舖。見到個餐牌有勁多選擇。叫咗個熱芝麻糊豆腐花。真係出晒煙。豆腐花都算滑。芝麻糊就正正常常。唔算太甜。ok。朱古力心太軟配綠茶雪糕。心太軟個蛋糕太厚了。所以裏面唔夠流心。雪糕ok。抹茶心太軟情況一樣。個糕太厚。不過食落唔太甜唔會太溜。配豆腐味雪糕。同抹茶一齊食都幾夾。總結係一間多選擇嘅糖水舖。中西式都有。老少咸宜。質素都不過不失。不過環境都係好似一般糖水舖咁擠逼。食完都唔好意思繼續坐。