緣聚鮮鍋 (已結業)

最近屋企搞緊裝修，成日都要搵朋友黎幫手，今日特意約佢地出黎，請返餐多謝佢地黎幫手～左諗右諗，最後俾我諗到，最好就係請食放題！一個價錢，食到佢地飽曬，咁就最抵啦。黎到荃灣，緊係要搵我最鍡食既老友介紹啦～真係冇介紹錯嫁，呢間緣聚鮮鍋，超級大間，外觀睇上黎已經夠曬吸引，服務又好到加零一！呢間好多野都係出面自己拎，我諗行二十次都拎唔曬所有野，真係又大又多唔同既款式，又食煮食，刺身，飲品，壽司，甜品，酒，基本上你諗得出既，佢都有，超勁呀～佢都有好多款湯底，今次我選擇左壽喜燒，甜甜地，好特別，又唔會甜到流，煮起野食上黎，好容易吸曬Ｄ湯味！牛肉都有好多款，只要用手機影QR Code就可以落單，都好方便，牛肉，雞肉同豬肉就用手機點，其他就自己出去拎，想要咩就夾咩，想要幾多都唔怕，仲好過寫紙仔啦！牛肉厚薄肥瘦非常均勻，啖啖食落都好嫩滑～另外係出面仲拎左小小熟食，有呢個鹵水雞翼，真係正呀！岩岩好夠曬入味，嫩滑唔難肉～仲有豬手，細細舊，易入口，仲有好多皮，豬手皮先真最好食，一定要食呀～百幾二百蚊就可以食到咁多既野，仲要一次食唔曬咁多款，飽到上喉嚨！下次仲可以在黎食其他野，呢間真係平靚正～