雪話雪冰 (已結業)

今日同朋友係西九龍溜完冰就走去旺角搵野食 見好多人介紹過呢間甜品店好味就去試試位置唔難搵 基本上行住條通菜街就會搵到去既時候唔算多人 一入去就有得坐低一望個menu見到有好多款snowmilk真係令人目不暇給最後揀左好多人食既 宇治金時紅豆雪奶 同 誘惑天使香濃芝士雪奶食 同朋友兩份食個宇治金時紅豆雪奶一黎到就覺得佢好綠好靚滿心期待咁食一啖綠茶雪糕 點知一入口淨係食到面頭啲朱古力醬既味同少量茶味(仲要唔算得上係綠茶味) 啲紅豆亦只係食到甜味 有啲失望不過到食啲雪冰果陣啲抹茶粉又令佢有返啲綠茶味 加埋煉奶同杏仁片既口感令味道又變得唔錯另外叫既誘惑天使香濃芝士雪奶反而令我有啲驚喜開頭以為面頭舊雪糕係雲呢拿或者牛奶味點知原來真係芝士味 似係芝士蛋糕咁味幾唔錯雪冰到啲芝士粉咸咸地 加埋煉奶撈埋一齊食好好味果四舊仔芝士蛋糕好似new york cheesecake咁味道好好 總括黎講我個人幾鐘意