小廚坊

營業中

休息中

無意中發現呢間鋪仔，諗住試下新口味，雖然見到餐牌裏邊好多唔同嘅食物，但本身冇幾大期望，覺得鋪頭細細，味道都肯定好一般，求其嗌咗個A4餐。點知d餐出乎意料，牛肉十分之爽滑鮮嫩，隻蛋煎都外焦裡嫩，好啱我口味，配菜也都新鮮爽口，顏色搭配都好靚，而且如果部分重口味人士覺得味道不足夠嘅話，都可以去隔籬攞醬汁自行調配，雖然我覺得本身d餐已經好好味，無需要再加任何嘢入去喇😂😂，偷偷讚下師傅嘅手藝高超。唔單只超級好味，睇落嚟賞心悅目，而且份量都好足夠，食到超飽。價錢也都十分之合理，出餐時間較短，無需要等太耐。平日如果有位嘅話可以約埋兩三個朋友仔一起出來食，但可惜呢間鋪在主要做早餐同外賣，四點就準備落閘閂門。如果想歎埋晚餐就一定要四點前落單。