大漠 (已結業)

食之前其實都知大漠出名在食羊，我本身唔食羊，但朋友話想食，所以咪陪佢去law!!睇Menu 時，原來非羊類嘅選擇都幾多！咁就好喇！我哋一行五人，點菜如下，哈哈....可能個菜名有D出入😛牛尾湯，一大碗足夠五人飲，味濃料足，正👍串燒六串，雞、牛、羊！我只食咗雞！好滑！如果有沙嗲醬就正喇！哈哈，不過唔係食馬拉嘢嘛！哈蜜瓜炸牛腩，好得意嘅口感，原來哈蜜瓜可以炸ga!! 仲補存到D果汁！仲食咗一個炸辣雞，但因為我掛住講電話，俾班fds 食曬😭羊架，sorry 我冇食，但朋友話好食紫椰菜，呢個好好味👍👍👍我鍾意佢有青提子乾！鴨胸，omg......超好味呀！佢有D甜甜酸酸嘅汁，超惹味！我覺得我可以一個人食曬成碟！之後我哋每人叫咗杯飲品，友人叫咗羊乳酪，佢話冇羊騷味ga 但我唔敢試，我叫咗個蜜糖桂花茶，好飲呀！如果有得凍飲更好！總之就係以一個唔食羊嘅食客嚟講，我都會推薦嘅餐廳！另外提一提，原來十點半last order!! 我九點幾去到，好彩都趕得切！服務好上菜快！支持支持😊