醉翁亭火鍋館 (已結業)

收工同朋友去觀塘行outlet，行到忘晒形，先發覺天色已暗，又肚餓，但觀塘除了outlet，就一無所知了，朋友呢個時候話，想食好野就跟住黎啦，就同佢去左位於鱷魚恤大樓3樓一間叫醉翁亭既火鍋店，先黎我至愛既皮蛋芫荽湯，好多芫茜超重料。再黎跟餐送既海鮮，好大盤，有馬刀貝，有青口，有靚魚片，有大元貝等等。件件都新鮮好味。然後到今晚主打推介既牛頸脊，呢個真心無得輸，件件油花分布平均，半肥瘦入口即溶，超美味。金錢花膠，大塊到要分3份先食得落。拳頭咁大既水餃皇，一粒入面有5粒蝦🤤🤤足料唔呃秤。店員服務亦非常好，好自動覺換水換碟。今晚成件事好美滿，醉翁亭係任食放題入面其中高質又實惠嘅一間。