Bingo & Cook (京都廣場)

營業中

休息中

去過以前嘅Bingo & Cook,裝修比較似韓式cafe。而家新店嘅裝修有各式各樣的韓國街頭特色，包括地鐵、大排檔、髮型屋，好多打卡位。特色裝修都令餐廳充滿氣氛，所以平日都好熱鬧，好多人。50cm韓式海鮮鍋 $380超巨超架勢嘅海鮮鍋，淨係gas爐都要兩個 ！海鮮種類好多，有大大隻蟹、蝦、鮑魚、青口、扇貝、蜆、魷魚，底層仲有唔少芽菜同蔬菜。最鍾意鮑魚夠鮮夠彈牙。湯底係韓式海鮮湯，加多個麵一齊煮直頭就係去釜山食嗰d海鮮拉麵，索晒海鮮湯底嘅精華！海鮮煎餅 $148超級推薦！海鮮煎餅煎得外層非常酥脆，口感唔油膩，仲要超多餡料，配料有香蔥、紅椒、蝦、魷魚，粉醬完全唔厚身，放耐左都仲好脆，點埋醬汁，美味指數再大大提昇！蒜香醬油炸雞配香腸年糕串 $140半份炸雞都有大約6舊，炸雞保留到雞肉肉汁，唔乾身。蒜味香濃，醬油味唔會太鹹。炸香腸年糕串充滿韓國風味，年糕外脆內煙韌，外皮沾滿醬汁完全唔怕年糕淡味。牛肉紫菜包飯 $65比一般嘅飯卷size大，有十舊仲要餡料好滿，有紅蘿蔔、蛋絲、牛蒡青瓜，牛肉帶麻油香醬油香。Peach Milkis $58桃味忌廉溝鮮奶，味道不會不甜。