Bella Shine (已結業)

聽朋友介紹呢一間樓上餐廳有任食牛扒，我梗係唔執輸。最平$308任食紐西蘭牛西冷、羊西冷、美國豬肩扒、天多利烤雞扒。星期五六日加多$20。食埋1855 Black Angus 肉眼扒加多$40。除咗肉類，出面仲有好多野食。有皇冠螺、青口、海蝦。仲有沙律餐湯、小食前菜。最重要嘅係仲有Movenpick雪糕任食。唔夠飽，仲有意大利飯同意大利粉。生日月份四位仲送一份窩夫，真係多嘢食到黐線。不過留意返，上去餐廳要行入工廠大廈停車場入邊部lift先上到去。