第三站

第三站 旺角有好多樓上Café，高質的都有唔少。學生時代經常同朋友去樓上Café食下野傾下計，貪佢可以坐得耐, 野食又唔太貴。不知不覺間形成左習慣，同同學仔聚會總喜歡去返樓上Café。今次去既樓上cafe就位於旺角金雞廣場，地點好就腳，cafe地方好大，白色系既裝修簡約，全卡位坐得舒服。以Cafe 黎講，呢度既食物飲品都系中上水平，價錢唔算貴，可以坐足一晚唔限時，食物都上得幾快！晚市選擇不多，dinner set 8款，包main course 及＄38以內嘅飲品，加$38蚊可以要埋沙律同芝士蛋糕，我地最後都加左。沙律普通但勝在蔬菜新鮮，我地加左一份墨西哥雞翼做小食。雞翼好有驚喜呀!! 雞翼大大隻煎到脆卜卜，雞肉保持嫩滑，咬落去爆肉汁。醬汁濃郁帶有微微辣，非常惹味。黑松露帶子鮮菌燴意大利飯滿滿嘅野菌加上鮮甜嘅帶子真係無得輸，再加上黑松露，香氣十足。燴飯口感煙煙韌韌，有點太軟身，我中意比較有咬口的。不過每粒飯都被醬汁包滿住，加上芝味極濃，食得都好過癮。煙三文魚忌廉蕃茄醬扁意粉煙三文魚比得夠大方，扁意粉食落彈牙口感不錯，醬汁creamy，但加左蕃茄汁食起黎酸酸甜甜，所以唔覺得好heavy。