人和月雞煲火鍋店 (已結業)

今日又同男朋友周圍搵食啦 上網見到呢間新開嘅人和月雞煲火鍋店 一於去食下 餐廳位於尖沙咀鬧市地點方便 座位非常闊落坐得超舒服 首先叫咗個招牌麻辣雞煲bb啦 醬汁調教得非常惹味 麻辣度適中 雞肉好嫩滑叫咗個鴛鴦湯底 藥膳養生牛奶鍋 有淡淡嘅藥材味 另一款就係重口味之選 川式麻辣湯底 有好香濃嘅牛油香氣 辣味唔濃不過麻味十足超正有勁多款好靚嘅牛肉可以任食 包括 嚴選牛下肩 特選外裙柳 等等 個人去推薦係牛下肩 肥瘦分佈得均勻 肉質紅潤入口有牛肉味 而且大大塊好開心有幾款靚牛只係包一次 特選美國封門柳 極上黑安格斯牛小排 嚴選牛板腱 非常肥美 做到肉入口即溶嘅效果仲有唔少嘅配料飲品係任食 真係飽到捧住個肚走 最後都要留肚食甜品 呢度嘅甜品corner係自助 可以揀豆腐花或者仙草 上面再加上好多唔同嘅配料