緣聚西日餐廳 (西裕街) (已結業)

今日同女朋友元朗shopping,行到有點累，想食番餐好，係迷路情況下見到一間日式放題，門口價錢158一位，就決定試下，餐廳係地庫，落到下面比想像中大間，坐位都好舒適，不幸的坐在我後面有小朋友，常常動來動去，影響了我情緒，無時停一樣，不過我都明白星期日應該多人，有位已經好好，算吧無其他坐位了。枱上任食單張很多款式，我們先點了刺身和生蠔。 刺身賣相厚切大件，非常新鮮，用了乾冰做裝飾，白煙令刺身夢幻起來。我們點了吞拿魚，三文魚，帶子，螺肉，甜虾，八爪魚，鮮魷魚…… 刺身夠凍，滿意！生蠔比想像中大隻，好肥美，店員介紹係美國生蠔，我放了點辣茄汁，生蠔又厚又爽，真的來對了。女朋友讚不住口，仲幫我拆蟹腳我食，超幸福！我們叫左試天婦羅，炸物，比較好食係炸芝士波，芝士很濃流心，燒粟米，燒多春魚，燒雞軟骨都正常水準，反而燒羊架我覺得特別出色，很易咬有羊味，追加之選。 义燒拉麵，湯清，义燒幾厚，木耳絲，拉麵爽口，覺得幾好味。女朋友食蟹粥，蟹粥內有蟹子，仲有隻蟹仔，女朋友超愛吃，食晒成碗。飲品有2個雪櫃自取，一邊道地紙包和維他紙包，一邊汽水類，酒類都有任飲，另外仲有2個大雪櫃有成10款雀巢雪糕，啫喱，百福豆