火鍋堂 (已結業)

旺角新開左呢間一人一鍋小店❗️真係要同大家推薦下😍😍佢啲價位真係平到你唔信🫣CP值極高🥳仲要食物質素都幾高添，講真平時喺其他火鍋店食A4 和牛都起碼要二百幾蚊一碟，佢$148嗰個盛合A已經包左好多肉類，而佢啲麵類同埋菜類嘢飲嗰啲每款都係$8❗️❗️價錢真係超級親民😍🔻我哋今次兩個人，兩個湯底分別係◽️雞湯（美人鍋）◽️麻辣湯湯底好足料，美人鍋味道好鮮甜，唔會過鹹，麻辣鍋入面仲勁多辣椒🌶️鍾意食辣嘅朋友唔好錯過🤤🔻🔸和牛盛合A🍲-A4和牛牛肩-美國Choice翼板肉-西班牙黑毛豬五花-薄切牛舌-醉雞脾肉佢啲肉類水準真心高質，a4和牛好重牛味，好嫩滑，入口即溶，超正❗️而醉雞髀肉都好有驚喜，雞肉唔會鞋，醃得好入味，真係有驚喜☺️🔻麵類試咗手打烏冬同埋韓式年糕🤩$8一份渣，手打烏冬索晒啲麻辣湯真係好好味，韓式年糕就好煙韌，菜類🥬就叫咗娃娃菜頭同皇帝菜，都夠新鮮，另外仲叫咗土豆片，切得好夠薄，加落去麻辣湯度打邊爐別有一番風味🥔🔻講完又好想再去食😂大家得閒就去試吓啦！不過當日都見到啲客都源源不絕咁黎，所以大家想去嘅話記得要預早book位😊