影片
更多
2020-09-27
434 瀏覽
今日同朋友係訂座平台 book左食呢間，但開頭行錯左去同樣位於太子既第2間鋪，最後為左個8折優惠唯有趕返黎呢間，所以如果大家都係book 枱既話，一定要留意返係邊間！霓虹燈既裝飾風格好適合一d鍾意食氣氛或想談心既人！我地就叫美國安格斯西冷牛扒（$108），滿蛽肉蝴蝶意粉（$88），牛油果三文魚薄餅（$98），厚切薯條（$18），馬蘇里拉芝士條（$28）。落完野食冇耐，蒜香芝士排包同埋d炸野就黎啦！蒜香芝士排包（$28）外脆內軟，不愧係出名賣三文治既鋪頭，下次可以專登lunch or tea 黎食返個三文治！個排包不單只外脆內軟，而且蒜香味重，但芝士味相對下就冇咁出，但因為個人黎講鍾意蒜味多過芝士味，所以呢個蒜同埋芝士比例就好啱我啦！而厚切薯條（$18）上菜時我地都以為上錯左，因為完全唔粗，反而個size 似m記既薯條，但食落去發現佢出起m記既薯條更加脆，更加乾身，即使擺到食晒其他野再食，佢都仍然好脆，唔會軟林林份量方面相當之多，性價比都高！馬蘇里拉芝士條（$28），一份入面有5條，係即叫即炸，上菜既時候超級熱，而一咬開就可以做到拉絲既效果，鍾意芝士既人一定要叫，但記住一定要趁熱食，因為
霓虹燈既裝飾風格好適合一d鍾意食氣氛或想談心既人！
我地就叫美國安格斯西冷牛扒（$108），滿蛽肉蝴蝶意粉（$88），牛油果三文魚薄餅（$98），厚切薯條（$18），馬蘇里拉芝士條（$28）。
蒜香芝士排包
$28
26 瀏覽
0 讚好
0 留言
厚切薯條
$18
10 瀏覽
0 讚好
0 留言
馬蘇里拉芝士條
$28
28 瀏覽
0 讚好
0 留言
落完野食冇耐，蒜香芝士排包同埋d炸野就黎啦！
蒜香芝士排包（$28）外脆內軟，不愧係出名賣三文治既鋪頭，下次可以專登lunch or tea 黎食返個三文治！個排包不單只外脆內軟，而且蒜香味重，但芝士味相對下就冇咁出，但因為個人黎講鍾意蒜味多過芝士味，所以呢個蒜同埋芝士比例就好啱我啦！
而厚切薯條（$18）上菜時我地都以為上錯左，因為完全唔粗，反而個size 似m記既薯條，但食落去發現佢出起m記既薯條更加脆，更加乾身，即使擺到食晒其他野再食，佢都仍然好脆，唔會軟林林份量方面相當之多，性價比都高！
馬蘇里拉芝士條（$28），一份入面有5條，係即叫即炸，上菜既時候超級熱，而一咬開就可以做到拉絲既效果，鍾意芝士既人一定要叫，但記住一定要趁熱食，因為凍左就變左做一舊普通既芝士，完全冇晒拉絲既效果！
美國安格斯西冷牛扒
$108
21 瀏覽
0 讚好
0 留言
跟住就到主菜上枱啦，美國安格斯西冷牛扒（$108），肉質唔硬亦都唔韌，一切開係粉紅色既，咬落去都軟，但有個可惜既點係落鹽好似落得重手左少少，而且好唔平均，因為切開之後頭幾口係覺得味道適中，但愈食到中間，就覺得愈鹹，一望落去，發現有束鹽係牛扒中間，就算刮開左，塊肉都係好鹹，所以食到最後真係好少少失望！
滿蜆肉蝴蝶意粉
$88
26 瀏覽
0 讚好
0 留言
滿蜆肉蝴蝶意粉（$88），呢個超級推！，蜆肉份量超多，而且食落好新鮮冇沙，個蝴蝶粉食落硬度適中，唔會話因為撈左醬就偏軟！而個汁方面就有少少似正宗卡邦尼醬既味道，偏濃蛋味，而且鹹淡適中！雖然好大份，但蜆肉份量較多，而蝴蝶粉份量就偏少，但因為我地都叫得頗多野食，所以呢個份量就啱晒啦，又可以試到個菜，但又唔會食唔晒浪費！但如果係想食飽既話可能就要叫多1/2個小食先夠。
牛油果三文魚薄餅
$98
9 瀏覽
0 讚好
0 留言
牛油果三文魚薄餅（$98），薄餅底厚得黎超脆超好食，而煙三文魚份量超多，有足足3朵花，每朵都有成3/4塊大片所組成，超滿足，但有個略為失望既點係過鹹，正正因為份量好多，所以啖啖都食到三文魚，啖啖都好鹹，最黎冇辦法，唯有放棄一朵三文魚花冇食到😭，而牛油果份量都唔少，但因為我個人麻麻地煮熟左既牛油果，所以覺得尚可，但朋友就好鍾意煮熟既牛油果，所以強推！😂但因為個薄餅底好好食，所以下次黎可能會試埋佢另一款黑松露薄餅！
張貼
