薩莉亞意式餐廳 (中染新城) (已結業)

今日嚟咗薩莉亞食個平lunch，臨近新年，特別手緊，晏晝唔敢食太貴，薩莉亞簡直就係我嘅恩物，平靚（正）之選。叫咗個肉醬多利亞，加埋個粟米湯同沙律都只係40大元，咁嘅價錢可以去邊度搵？味道當然唔好期望有高級西餐廳嘅質素，但我覺得已經好唔錯，物超所值了。肉醬同芝士份量都好足夠，味道亦不錯，熱辣辣配埋飯食好滿足。粟米湯味道都唔錯，都幾香甜，而質感就好creamy。（又係食到一半先記得影相，一開始太肚餓了）當然喺咁平嘅餐廳，你都唔可以期望有高質素嘅服務，只要環境企理，食物乾淨，我就已經無怨言。之後會繼續幫襯支持！